السلام عليكم ورحمة الله وبركاته
حبيت أطرح لكم جديد من أحد شعراء منتدياتي الغالية ..
...اللة يذكرة بالخير اخوي ...همس القصيد
.
××
.
آآآآه يادنيا من اللي تحملين
فرحــةٍ ضاعت فوسط المعمعه
مثل دمع العين في محجر سجين
لا نزفه ولاقدر يسترجعه
ادري ان اللي مقدّر با يبين
وادري ان الحظ أصلاً زوبعه
لاعزف يبدأ بألحانه حزين
وان تهادى حرك أشجاني معه
والغريبه كيف حنّا صامتين
إن وقف !! نوقف وان ارخى نتبعه
ليه نرضى دام حنّا رافضين ؟؟!!
لي متى واحنا نعيش بــ أقنعه ؟؟!!
ليه مانصرخ فــ وجه الظالمين ؟؟!!
ليه نرضى الظلم ؟ نتعايش معه ؟؟!!
يازمن تكفى .. وبوسه ع الجبين
خف ع الــ أبهم قلــوب مشرّعه
طيبي النيّه وناسٍ صافيين
مايعرفون الوجوه مضيعّه
طبعهم طيبه ومعدنهم ثمين
والمعادن فالبشر متنوعه
بعضهم يبرق مظاهر خادعين
خنجر سمومه فظهرك يزرعه
والذهب يبقى ذهب طول السنين
كل مامر الزمن يغلى معه
وسلمتمـٍِِ..$