لا تحرّش بالنظر

​‏​‏​‏​‏​‏​‏​لا تحرّش بالنظر وانت ما عندك صلاح
من لواحظها تمـدّ البسـاط الاحمـدي

تستفز اللي معَ الدرب معزول السـلاح
ومن هَدَب عينك تعمّد خَطـاك وتعتـدي

تحْسب انّ اللعب بأعصاب خلق الله مباح
تستغلّ الحُسن وتمثّـل الطبـع الهَـدي

عندي إحساس بفشل مـا يبشّربالنجـاح
يقتل زهورالمحبه على الغصـن النـدي

راحت ايامي وانا مثل مكسور الجنـاح
لا ابتسم حظي بوصْلك وَلا قام سْعَـدي

أحتريك من اوّل الليـل كلّـه للصبـاح
وصرت بأسبابك خويَّ العتيم السرمـدي

وأنت شرهاتك كبيره ومدّاتـك شْحَـاح
والوعايد سالفـة ليـل تصْبـح وتغَـدي

إنْ شكيتك من ظما ما تورّدنـي قـراح
واللقا بك صار بُعْـد الثريّـا والجـدي

لين طاب الخاطر اللي تريّح وإستـراح
لعنبـو حـظٍ يحـدّه علـى مِنّـة ردي

العزوم إنْ سولف الجِدّ بغْياب المـزاح
والله لْتسمع خبَرها وانـا عنـد وْعَـدي

أقدر انسى كل ماضيك واشعر بإرتيـاح
لا تحَسْب انِّي بَليّاك ما اعيـش وْحَـدي

بأجبر الخاطر وابَسْلا وتلتـمّ الجـراح
والعيون الليـل كلّـه تبـات وترقـدي

إعتبرني واحـدٍ صادفـك مَـرّه وراح
وأنت ابَعْتبرك حمامه وطارت من يَـدي

مشكوره خيتووو ع الردود الغاوي

الله يعافيج ^_*